„მინდოდა შემეგრძნო ეს ყველაფერი“ ბოლო 12 წლის განმავლობაში გაბრიელ პოცო უამრავი რალის მონაწილე გახლდათ. მან 2007 წელს N4 ჩემპიონატის მოგებაც კი შეძლო, მაგრამ დაკარი რჩებოდა ამოუხსნელად. მისი პოტენციალის გათვალისწინებით გაბრიელმა გადაწყვიტა 2009-ში მოესინჯა ბედი. „მე არასოდეს მიმიღია ამსიგრძე რბოლაში მონაწილეობა. ვერ წარმომედგინა თუ რა იყო რბოლა რომელიც 3 დღეზე მეტს გასტანს“. მეშვიდე ადგილზე დასრულებულმა რბოლამ იგი წელში არ გატეხა და პირიქით, იგი კიდევ ერთხელ მიიღებს დაკარის გამოწვევას, მაგრამ უკვე მეტი დამაჯერებლობით: ხანგრძლივი მოსამზადებელი პერიოდი, ახალი მანქანა და ორი ახალი შტურმალით. „სუბარუ, რომლითაც ვაპირებთ გამოსვლას მომზადებულია ბარატეროს გუნდის მიერ არგენტინაში და ეს გარანტიაცაა თავისებური. მარტინ ზარაგაზა გამოცდილი შტურმალია რომელიც აქამდე გამოდიოდა ნელსონ ბენიტესის გვერდით.“

ჯერ მიზნების გაცხადებამდე პოცო მუშაობს ტესტირების რეჟიმში და გადის ათასობით კილომეტრს თავის სუბარუსთან ერთად. გუნდის მომავლის გრძელვადიანი გეგმა უკვე გაწერილია. ფაქტია რომ ყველაფერი რბოლისას გაირკვევა და სუბარუ მზადაა ნებისმიერი გუნდის წინასწარ გაცხადებულ ამბიციებს ცივი წყალი გადაავლოს, ხოლო პოცოს შარშანდელი აღმოჩენა რომ დაკარი ბრძოლაა მხოლოდ საკუთარ თავთან და ბუნებრივ სტიქიებთან, კიდევ უფრო მეტ დამაჯერებლობას მატებს მთელ გუნდს.

ავტომწარმოებლებს, რომლებიც ამ შემოდგომაზე ახალი ჰიბრიდული მოდელების სიმრავლით სამყაროს შეძვრას აპირებენ არ ჩამორჩა Subaru და შექმნა გენიალური კონცეპტი Hybrid Tourer Concept, რომელსაც 24 ოქტომბერს ტოკიოს ავტოსალონზე წარადგენს. კომპანიამ არ უღალატა კონსტრუირების საკუთარ ტრადიციას და პირველმა შეიმუშავა სქემა ოპოზიტური ძრავით, ორი ქლექტროძრავით და სიმეტრიული სრული ამძრავით. კომპანიის ექსპერტთა შეფასებით მანქანას შეუძლია დაზოგოს საწვავის 20% საფირმო დინამიური მაჩვენებლების შენარჩუნებით.

ჰიბრიდული დანადგარის ელექრომექანიკურ სქემაზე მუშაობისას Subaru-მ უარი თქვა კონკურენტების სქემის ელემენტების კოპირებაზე და შეეცადა შეექმნა რაღაც ორიგინალური. კომპანიამ ტრადიციას არ უღალატა და ოპოზიტური ძრავი სრულამძრავიან ტრანსმისიას მოარგო, რომელიც ახალი უსაფეხურო Lineartronic ვარიატორით აღჭურვა (პირველად Subaru Legacy-ს ბოლო თაობაში გამოიყენეს).
ჰიბრიდი სამი ძრავსგან შედგება , ესენია : ცენტრალური ოპოზიტური - 2.0 ლიტრის მოცულობით და ორი ელქტროძრავა, რომლებიც ღერძებთანაა მიერთებული. წინა ღერძზე დგას 10 კვტ (13 ცხძ), ხოლო უკანაზე 20 კვტ(27 ცხძ) სიმძლავრის ძრავი. ამ გადაწყვეტილებამ განაპირობა ტრანსმისიის დაცვა გადატვირთვისგან ჰიბრიდის ყველა დადებითი თვისების შენარჩუნებით და ასევე სიმძიმის ხელსაყრელი სიმეტრიული განაწილება მასათა ცენტრის გადანაწილებით ავტომობილის გრძივ ღერძზე. ინტენსიური აჩქარებისას ორივე ელექტროძრავი ეხმარება ცენტრალურ ოპოზიტურ ძრავს და შეაქვთ თავთავისი წილი საერთო ბრუნვით მომენტში. მოძრაობის უფრო წყნარ რიტმში მუშაობენ მხოლოდ ცენტრალური შიდაწვის და უკანა ელექრტოძრავი. წინა ელექტროძრავი ამ დროს გენერატორის ფუნქციას ასრულებს და დამუხრუჭებისას ენერგიას აბრუნებს ლითიუმ-იონურ აკუმულატორებში. Subaru Hybrid Tourer Concept-ს მცირე მანძილებზე (ავტოსერვისში ან პარლინგზე) ასევე შეუძლია იმოძრავოს მხოლოდ ელექტრო ძრავების ხარჯზე.

Subaru Hybrid Tourer Concept დიდი 4 ადგილიანი ჰეჩბეკია. კონცეპტის ძარა Subaru-სთვის უჩვეულო შესრულებით გამოირჩევა და აქვს ორი უზარმაზარი კარი, რომლებიც ზევით იღება და მოგვაგონებს წარსულში ცნობილ მერსედესის კუპეს-”თოლიის ფრთა”(gullwing). მანქანი სიგრძე 4630მმ, სიმაღლე 1420 მმ და სიგანე 1890 მმ-ს. შეადგენს .მოდელის გაყიდვაში გამოსვლის ვადებზე ინფორმაცია ჯერჯერობით არ ვრცელდება.

ოქტომბერში Subaru და Toyota ტოკიოს საერთაშორისო გამოფენაზე პირველ ერთობლივ მოდელს წარადგენენ.

ორი იაპონური ავტოგიგანტი მოდელზე ორი წელია მუშაობს. სავარაუდოდ ავტომობილის სერიული წარმოება 2010 წელს დაიწყება. რაც შეეხება გაყიდვებს, ერთობლივი ნამუშევარი გაიყიდება როგორც Subaru-ს ასევე Toyota-ს მარკით, თუმცა ზოგიერთი წყაროს ცნობით მანქანების ტექნიკური შიგთავსი ანალოგიური იქნება. ამ წყაროს ინფორმაციით ავტომობილი აღჭურვება Subaru-ს 2,0 და 2,5 ლიტრიანი ოპოზიტური ძრავებით და უკანა ამძრავით.

Fuji Heavy Industries -ს ზოგიერთი ტოპმენეჯერი თვლის, რომ უკანაამძრავიანი ავტომობილი იქნება Toyota-ს კლონი, რაც უარყოფითად აისახება Subaru-ს იმიჯზე და ბრენდს თაყვანისმცემლების დიდ ნაწილს დააკარგვინებს. მანქანის გამოსვლამდე კომპანია აპირებს განახორციელოს გარკვეული მარკეტინგული ნაბიჯები უარყოფითი შედეგების თავიდან ასაცილებლად.

სხვა წყარო სუბარუს თაყვანლისმცემელთათვის უფრო დამაიმედებელ ცნობებს ავრცელებს, კერძოდ ამ წყაროს ინფორმაციით უკანაამძრავიანი მოდელით წარმოდგენილი იქნება Toyota-ს ბრენდი და ეს მანქანები მხოლოდ იაპონიის ბაზარზე გაიყიდება. მსოფლიო კი ახალ კუპეს Subaru-ს ბრენდით და საფირმო AWD სრული ამძრავით გაიცნობს.
ასე რომ დაველოდოთ ოქტომბერს, სულ მალე ფარდა აეხდება ახალი მოდელის ყველა საიდუმლოს.

Subaru-ს მარკის ავტომობილების მწარმოებელმა კომპანიამ Fuji Heavy Industries Ltd. ახალი მოდელების- Legacy და Outback-ის ევროპული პრემიერის შესახებ განაცხადა. საპრემიერო ჩვენება ფრანკფურტის ავტოსალონზე 2009 წლის 17 - 27 სექტემბერს შედგება.

Subaru Legacy-ს მეხუთე თაობა წარმოდგენილია ორი ტიპის ძარით -სედანი და უნივერსალი. ორივე მოდიფიკაცია აღიჭურვება ორი ტიპის-2 და 2,5 ლიტრი ბენზინის ძრავით, ასევე დიზელის ძრავით ტურბოდაბერვით. ახალი Legacy-ს სედანის ვერსიის ძარა დაგრძელებულია 65 მმ-ით (4730მმ-მდე), ხოლო უნივერსალისა 55 მმ-ით. თვლების ბაზა დაგრძელდა 80 მმ-ით, მეტი სივრცე შეექმნატ უკანა სავარძლის მგზავრებს.

2,5 ლიტრიანი ძალური აგრეგატით და Lineartronic უსაფეხურო ვარიატორით აღჭურვილი Legacy-ს საწვავის ხარჯი წინა, ავტომატური ტრანსმისიის მოდელთან შედარებით შემცირებულია 5,9%-ით (სედანისთვის) და 6,9%-ით (უნივერსალისთვის).

”მაღალი გამავლობის უნივერსალის” კონცეფციის პიონერის (დებიუტი შედგა 1995 წელს)-Subaru Outback-ის მეოთხე თაობა, ინარჩუნებს ”უგზოობის მანქანის” თვისებებს (მაგალითად, მოზრდილი საგზაო ჭრილი) და ძარის განახლებული კომპლექტაციის ხარჯზე ხდება უფრო კომფორტული. გარდა ამისა ახალ Outback-ს უფრო წარმომადგენლობითი შეხედულება აქვს.ბენზინის 2,5 და დიზელის 2.0 ლიტრიანი აგრეგატების გარდა Outback-ის საფლაგმანო მოდიფიკაციის მოდელებზე გათვალისწინებულია 6 ცილინდრიანი 3,6 ლიტრიანი ოპოზიტური ძრავის დაყენება.

მწარმოებელი განსაკუთრებით აღნიშნავს რომ ევროპის ბაზარზე ახალი Legacy და Outback გაიყიდება Subary Boxer Diesel ძრავით. ეს 2008 წელს გამოშვებული ძრავი მსოფლიოში პირველი ოპოზიტური დიზელია რომლითაც სერიული წარმოების ავრომობილები დაკომპლექტდება.

ოფიციალური ინფორმაციით, კომპანია Subaru-მ ჰეჩბეკის შემსუბუქებული ვერსია Impreza WRX STI Spec C წარმოადგინა, რომელიც რალის N ჯგუფის ავტომობილების მოსამზადებლად შეიქმნა.
ახალი ალუმინის კაპოტის, ნაკლები ტევადობის აკუმულატორის, პოლიკარბონატული მინების,ახალი მსუბუქი შენადნობის 18 დუიმიანი Bridgestone Potenza RE070 საბურავებით აღჭურვილი დისკების და სათადარიგო საბურავის შესაკეთებელი კომპლექტით შეცვლის ხარჯზე კონსტრუქტორებმა მანქანის წონა დაახლოვებით 70 კილოგრამით შეამცირეს.
გარდა ამისა, ვერსიამ Spec C-მ მიიღო ახალი საწვავის ტუმბო, მოდერნიზებული დაკიდების ზამბარები, ამორტიზატორები და განივი მდგრადობის უკანა სტაბილიზატორი. Torsen-ის უკანა დიფერენციალის ნაცვლად ჰეჩბეკს ერგო გაძლიერებული ხახუნის დიფერენციალი.
ასევე კაპოტქვეშ გაუმჯობესებული ტურბოდამბერი, ინტერქულერზე წყლის შესხურების სისტემა და ძრავის მართვის ბლოკი ახალი პროგრამული უზრუნველყოფით. ამ ცვლილებებს ორლიტრიანი ”ოპოზიტის” სიმძლავრეზე და ბრუნის  მომენტზე არ უმოქმედია- პარამეტრები დარჩა 308 ცხ.ძ და შესაბამისად 422ნმ ნიშნულებზე.
Subaru Impreza WRX STI Spec C გაყიდვები იაპონიაში უკვე დაწყებულია. სულ შემსუბუქებული ჰეჩბეკის 900 ეგზემპლარის წარმოებაა დაგეგმილი. ფასის შესახებ ოფიციალური წყარო ინფორმაციას არ იძლევა.

ყველაფერი დაიწყო დილით.

დილის 6 საათზე ყველა გამოაღვიძა საშინელმა წვიმის ხმაურმა და ერთიდაიგივე კითხვა დაუსვა ყველამ თავისთავს, წავიდე? თუმცა 9–ის ნახევრისათვის წვიმა უკვე შეწყვეტილი იყო და ამ კითხვას ყველამ დადებითად უპასუხა. სასწრაფოდ შევაფუცხუნეთ ერთმანეთი, ჩქარ-ჩქარა ავიბარგეთ და შევიკრიბეთ დინამოს სტადიონთან, რათა იქვე გვეყიდა პროდუქტები და შევდგომოდით გზას… საორგანიზაციო საკითხების მოგვარებამ წაიღო საკმაო დრო, რის გამოც მხოლოდ 11–ისთვის შევძელით დაძვრა…

გასვლის მონაწილე მანქანები: Subaru Impreza WRX & Subaru Forester S/tb
მონაწილეები: Lio, Dzebo, Shota85, Matador, Irrict, Taji-ji და კიდევ ერთი ჩვენი მეგობარი – ნატო
პირველი წერტილი იყო უფლისციხე

მართალია დიდად ამ კომპლექსის ისტორიაში ვერცერთი ვერ ვერკვეოდით, მაგრამ ერთი ნახვით ყველამ შევიგრძენით რომ ეს იყო ერთერთი არქიტექტურული შედევრი, კლდეში გამოკვეთილი ქალაქი თავის დარბაზებით, აბანოებით, აკვედუკებით, პატარა გამოქვაბულებით, სალოცავებით და მტრისგან თავდაცვის (იმდროინდელი) თანამედროვე სისტემებით (ბევრი ბჭობის შემდეგ დავასკვენით, რომ უფლისციხის აღება თითქმის შეუძლებელი იყო), ჩრდილოეთით კლდეები, სამხრეთით მტკვარი…
შუასაუკუნეები შედევრი ჩვენს თვალწინ გადაიშალა და ჩვენც, არც თუ ძალიან დაღლილებმა ისტორიის წიაღში ჩაფლობა, სილამაზით ტკბობა, მზეზე მიფიცხება და სულის ამოთქმა გადავწყვიტეთ

უფლისციხეში დაახლოებით ერთი საათი დავყავით, ბევრი ვიბოდიალეთ, მზეს მივეფიცხეთ, ცივი სასმელები დავლიეთ და გავაგრძელეთ ჩვენი მარშრუტი…
უფლისციხეში ჩასულმა ადამიანმა არ უნდა დაიზაროს და აუცილებლად უნდა გადაუხვიოს ატენის ხეობისაკენ… ულამაზესი ბუნება, უსუფთავესი ჰაერი, არაამქვეყნიური სიმშვიდე და თვალუწვდენელი ლანდშაფტი…
ატენის ხეობაში, ატენის სიონთან გავჩერდით…

იმისდა გამო, რომ აღნიშნული ძეგლის რესტავრაცია მიმდინარეობს, აკრძალულია ყველანაირი გადაღება, რის გამოც ფოტო მასალა ამ ძეგლისა ვერ მოვიპოვეთ, ხოლო ნანახით მოვინუსხეთ, ულამაზესი ტაძარი, უამრავი ფრესკით და განუმეორებელი აურით ადამიანს არა მხოლოდ ფიზიკურ, სულიერი დასვენების უფლებას აძლევს…
პატარა შესვენების შემდეგ გავუყევით მარშრუტის ბოლო პუნქტისაკენ გზას, სოფელი ფლავი მდებარეობს გორის რაიონში, ცხინვალიდან სულ რამოდენიმე კილომეტრში და იქ მოსახვედრად საჭიროა დროებით ჩვენს კონტროლ ქვეშ არ მყოფი რეგინის გზაზე გასვლა… გორში არც თუ ბევრჯელ ვიყავით ნამყოფები და გზის გაკვლევა მხოლოდ ერთი მეთოდით შევძელით (პატრულს ვთხოვეთ აგვეხსნა თუ ცხინვალში როგორ მოვხვედრილიყავით, რისი გაგონების შემდეგაც უმალ გვიპასუხეს მოგვყევითო და ესკორტის თანხლებით დავადექით შიდა ქართლის გზას)…

სოფელი ტყვიავიდან გადავუხვიეთ მარჯვნივ, სადაც უკვე გამკაცრებული კონტროლის ზონა ყოფილა და ყველას მოგვთხოვეს საბუთების წარდგენა… რის შემდეგაც გაგვატარეს და ჩვენც ყანებს შორის მიმავალ ასფალტირებულ ტრასაზე ზუზუნით (ასფალტს აშკარად ეტყობა ტანკების ნაკვალევი, რაც საბურავების ხმის მოსმენისას აშკარა ხდება) მივქროდით…

საკმაოდ მალე მივედით მესამე პუნქტამდე, მანქანები ჩრდილში დავაყენეთ, ჩვენც შევედით გრილ სახლში რათა ოდნავ სული მოგვეთქვა…

არ არსებობს სრულყოფილი ქალაქგარეთ გასვლა, მწვადის, პურის, ყველის და კეთილი გულის გარეშე…

დაპურებულებმა და დღით კმაყოფილებმა დამატებით 100 მეტრით წინ წაწევა გადავწყვიტეთ და XI საუკუნის “ციხესიმაგრის” თავისი გმირი მცველებით ნახვა გადავწყვიტეთ…

ამ წერტილს იქით უკვე მტერია…

მზე ჩავიდა, მანქანები დაიქოქა და ჩვენც დავადექით თბილისიკენ გზას…

სად იქნება შემდეგი გაჩერება?! საით გაგვიწევს გული?! სად გაისმება სუბარუს ძრავის ღმუილი?!
Mysubaru.ge – Subaru Club Georgia – გახდი ერთერთი ჩვენგანი!!!
გელით ყველას!!!

ბოლო ათწლეულში ორადგილიანი Subaru Impreza, როგორც მძლავრი STI მოდელის ლიმიტირებული ვერსია რამდენიმე ქვეყანაში გაიყიდა და საბოლოოდ ეს აქცია MY01 Impreza -ს გამოჩენით დასრულდა. სერიულად კი 1990 წლის შემდეგ Subaru-ს ორკარიანი Impreza არ გაუყიდია, თუმცა ბოლო ინფორმაციის თანახმად 2010 წელს გაიყდვაში გამოვა ახალი AWD კუპეს ტიპის ძარით.
წინასწარი მონაცემებით, ახალი მოდელი , ისევე როგორც მისი წინამორბედი მაღალი კლასის და ექსლუზიური მონაცემების კუპე იქნება ,რომელიც ღირსეულ ადგილს დაიკავებს BMW-ს მე 3 სერიის კუპესა და Nissan 350Z-ს გვერდით. ცნობილია რომ Subaru Impreza კუპე-ზე  Toyota -სთან ერთად მუშაობს, თუმცა ეს არ არის ახალი სპორტული ავტომობილი RWD, რომელსაც ეს ორი ავტოკონცერნი მომავალში ერათობლივად შემოგვთავაზებს. ახალი ორადგილიანი კუპე თავის მხრივ საფუძველს დაუდებს Toyota Celica ახალ ვერსიას, რომელიც ბოლო თაობის Impreza სედანისგანაც ბევრს მიიღებს მემკვიდრეობით.
სავარაუდოდ ახალი STI აღჭურვილი იქნება 2.0 ლიტრის მოცულობის ატმოსფერული და 2,5 ლიტრის მოცულობის ჰორიზონტალურ-ოპოზიტური ტურბინიანი ძრავით, რომელთა სიმძლავრე 180 დან 300 ცხ.ძ-მდე იქნება.
ახალი მოდელი თვალსაჩინოს გახდის RWD-ს ძირითად ტენდენციებს, რომელიც წინასწარ შეიძლება ითქვას რომ აუცილებლად იქნება აღჭურვილი Subaru-ს სიმეტრიული AWD სისტემით.
ახალი კუპე აშშ-სა და იაპონიაში უკვე 2010 წელს გაიყიდება, ხოლო ევროპაში ის სავარაუდოდ 2011 წელს გამოჩნდება.