მოყვარულთა რალი - 14 ოქტომბერი 2012 პარამეტრები

[NetDevil]

14 ოქტომბერს, საქართველოს საავტომობილო სპორტის ასოციაცია (GASA) წარმოგიდგენთ შეჯიბრს სამოყვარულო რალის სახეობაში...

თუ გიყვარს ავტომანქანა, გსურს მოგზაურობა, გიზიდავს ახალი შეგრძნებები და გამოცდილება, ეძებ ექსტრიმს და გინდა გაიფართოვო სამეგობრო წრე, მაშინ მოყვარულთა რალი ზუსტად ის არის , სადაც თქვენ შეგიძლიათ გამოსცადოთ ყოველივე ეს.
დასძლიე საკუთარი გაუბედავობა, ჩაერთე სპორტის ამ ექსტრემალურ სახეობაში, რომელიც საშუალებას მოგცემს გამოსცადო საკუთარი შესაძლებლობები და აიმაღლო მანქანის ფლობის ოსტატობა.

მოყვარულთა ავტო შეჯიბრში პერმანენტული მონაწილეობა საშუალებას მოგცემთ ნელ-ნელა გადახვიდეთ პროფესიონალურ ლიგაში. მათთვის ვინც გადაწყვეტს, რომ ჩეართოს სპორტის ამ სახეობაში, განგიმარტავთ თუ ზოგადად რას წარმოადგენს მოყვარულთა რალი: რალის ამ სახეობაში მონაწილეობისათვის არ არის აუცილებელი გყავდეთ განსაკუთრებული მარკის ან სპორტული მანქანა. მონაწილეობა დასაშვებია ნებისმიერი გამართულ მდგომარეობაში მყოფი მანქანით, სასურველია არ იყოს ძალიან დაბალი როგორიცაა ე.წ. "ლოურაიდერი"(LowRider). ეკიპაჟი უნდა შედგებოდეს ორი წევრისაგან - მძღოლი (პილოტი) , რომელიც მართავს ავტომობილს და შტურმანი, რომელიც ლეგენდის მიხედვით კარნახობს პილოტს გზის მიმართულებასა და გზის ამა თუ იმ მონაკვეთზე დასაშვებ სიჩქარეს. რალის დისტანცია შედგება, როგორც ჩვეულებრივი საერთო სარგებლობის გზის მონაკვეთებისაგან, ასევე მინდვრის და მოხრეშილი გზებისაგან, რომელებიც წინასწარ არის შერჩეული საორგანიზაციო ჯგუფის მიერ. ამ გზების ცალკეულ მონაკვეთებზე მოცემულია ცალკეული საშუალო სიჩქარეები , რომელიც აღნიშნულია შეჯიბრის ლეგენდაში. ლეგენდა ეს არის წინასწარ შედგენილი სამარშრუტო წიგნი, რომელშიც სპეციალური სიმბოლოებით მითითებულია გზის მიმართულება და მოცემულია დასაშვები სიჩქარეები ( გზის სხვადასხვა მონაკვეთზე სხვადასხვა სიჩქარე) . გარდა მოცემული საერთო სარგებლობის გზებისა, მონაწილეებს მოუწევთ ე.წ. სპეციაულური მონაკვეთების გავლა, რომლებიც წარმოადგენს მარშრუტზე გადაკეტილ გზის მონაკვეთს (უცხო მანქანებისათვის), სადაც მონაწილე ვალდებულია გაიაროს შესაძლებელი მაქსიმალური სიჩქარით და შეძლებისდაგვარად დაფაროს იგი მინიმალურ დროში.
ეს არის მოკლე მიმოხილვა მოყვარულთა რალის ირგვლივ. დაინტერესებისა და მონაწილეობის მიღების სურვილის შემთხვევაში იხილეთ მოცემული ბმულები:

• მონაწილის სახელმძღვანელო.
• შეჯიბრის კერძო რეგლამენტი.
• შეჯიბრის პროგრამა
• კილომეტრაჟის ტარირება (გასწორება)

გისურვებთ წარმატებას!