Subaru Club Georgia-ს სვანური დილა, VIDEO პარამეტრები

[NetDevil]

დავწერ პატარა რეპორტაჟს რა და როგორ იყო.

1 იანვარი
31 დეკემბერს ახალ წელს შევხვდით ჩვენ-ჩვენ სახლებში და სულ რაღაც 2 საათში, ანუ ღამის 2 საათზე დავიძარით ერთმანეთის შესახვედრად. 3:00 ზე ვიყავით სმარტთან აღმაშენებლის ხეივანში.
ერთი მანქანა: რაკერას ფორესტერი WRC888 (შემდგომში IR888EM), რომელშიაც განვთავსდით მე, რაკერა და ლьიოვა.
მეორე მანქანას: ხაჩის იმპრეზა SP100BA, შემადგენლობა: ხაჩი, კასტერა და ვახო (კასტერას ძმაკაცი). 03:30 ზე გავედით თბილისიდან. მგზავორობა ძალიან უინტერესო იყო, თბილისიდან ზესტაფონამდე საერთოდ მანქანა არ შეგვხვედრია გზაზე. (ახალი წელია, ჩვენს მეტი ვინ გაატარებდა მანქანაში). შემდეგ დეგუსტაცია გავუკეთეთ ქუთისის ახალ შემოვლით გზას, რომელიც საკმაოდ მოგვეწონა. არა და არ თენდებოდა, ჯერ იმედი გვქონდა რომ ქუთისთან დაგვათენდებოდა, მერე სამტერედიასთან, მერე ზუგდიდთან. სულ ტყუილად, ჯვართან დაიწყო ოდნავ განათება.
ძალიან გვინდოდა (მე ყოველ შემთხვევაში) ენგურის კაშხლის ნახვა, ჯერ კიდევ არ იყო საკმარისად განათებული, მაგრამ მაინც დავათვალიერეთ. დაცვის პოლიციის თანამშრომელმა რაღაცეები მოგვიყვა ენგურჰესზე და ისიც გვითხრა, რომ წინ 90 კილომეტრი გვქონდა გასავლელი მესტიამდე. აქედან 80 თოვლშიო.
გზა იყო ახალ გაკეთებული ბეტონის, არაჩვეულებრივი ხედები იშლებოდა თვალუწვდენელ წყალსაცავზე. მართლაც, 10-15 კილომეტრის გავლის შემდეგ დაიწყო თოვლიანი გზა, უკვე კარგად გათენდა. ალბათ გზის ნახევარი გვექნებოდა გავლილი, როცა შეგვხვდა პირველი დაბრკოლება - ეს იყო მერსედეს მლ-ის ტიპის ტაქსი. ოდნავი ზვავი იყო გზაზე ჩამოსული და იმ ტაქსის მძღოლმა მოახერხა და მუცლით დაჯდა. გვერდის ასაქცევი არ იყო, ნუ რომც ყოფილიყო „სუბარუ ქლაბ ჯორჯიას“ არ ჩვევია გასაჭირში ხალხის მიტოვება, ამიტომ დაიწყო მლ-ის ამოთხრის ოპერაცია.
რაკერამ ჩაიცვა კომბინიზონო და შეძვრა მანქანის ქვეშ. ტაქსის მგზავრებს 112ში ქონდათ დარეკილი და ელოდებოდნენ დახმარებას, თუმცა ამაოდ. დაახლოებით 2 საათიანი ოპერაციის შემდეგ ტაქსი გადავიდა სამშვიდობოდ. ახლა ჩვენი ჯერი იყო. ჯერ რაკერა წავიდა ზვავზე, ცოტა დახმარების შემდეგ გადავიდა. SP100BAმ კი საოცრება მოახდინა, ციყვივით გადააძვრა.
მესტიამდე აღარ გავჩერებულვართ, შუადღისას 1-2 საათზე შევედით და დავიწყეთ ipod-ას მამიდის ძებნა. ამ ძალიან კარგმა ადამიანმა, ასევე ძალიან კარგ ჯაფარიძეების ოჯახში დაგვაბინავა. საოცრად სტუმართმოყვარე და ძალიან კეთილი ხალხი აღმოჩნდა ჩვენი მასპინძლები, დაგვინთეს ბუხარი, გაგვიშალეს სუფრა. ოთახები ძალიან ცივი იყო თავიდან, ეტყობა დიდი ხნის განმავლობაში გამათბობელი არ იყო ანთებული, რომ გავლღვით, ჩავთბით და ვისადილეთ, ყველას ძილი მოგვერია, ღამე ნათევები ვიყავით და მაგ დღეს აღარსად წავსულვართ. ოთახში ჯოკერის თამაშით და ბუხართან მიფიცხებით შემოვიფარგლეთ.

გაგრძელება იქნება





თოვლი არ მოვიდა ჩვენთან და ჩვენთითონ ვეწვიეთ სვანეთის მთებში