კონდიცირების სისტემის გაწმენდა, ცუდად უბერავს, ცუდი სუნი აქვს და ა.შ. პარამეტრები

[w202mb]

+100500

[nika123]

+100500

???

მოკლედ, ფორუმის ახალმა წევრმა, გადავწყვიტე მცირე წვლილი შევიტანო "გააკეთე შენით" თემებში. საქმე ეხება კონდენციონერის ფილტრის გაწმენდა/გამოცვლას და საჰაერო გზების გასუფთავებას.

სიტუაცია: ჩამომივიდა ფორიკა (SG5), წკრიალი გაუდიოდა ისეთი. ცხადია კლიმატით, მაგრამ მცირე ხარვეზებით: ჯერ ერთი რომ ცოტა დაბერვის ინტენსივობა არ მომწონდა, მეორეც ერთი რომ მიუხედავად იმისა, გათბობას ჩავრთავდი თუ გაციებას, 3-4 წუთში სალონში ძაან ცუდი სუნი დგებოდა. მოვქექე ინტერნეტი, პროცესი საკმაოდ მარტივი მომეჩვენა დაგადავწყვიტე ჩემით გამეკეთებინა. შედეგმაც არ დააყოვნა

რას ვაკეთებთ:

1. ვიღებთ სალონის ფილტრს და ვრეცხავთ ან ვცვლით
2. ვწმენდთ კონდენცირების სისტემას ბოროტი მიკრობებისგან და ცუდი სუნის წყაროსგან

ფილტრის გამოცვლის გარეშე დამიჯდა 33 ლარი, ფილტრი არ ვიცი რა ღირს, მე გავრეცხე. 33 ლარიც იმიტო დამიჯდა რო ვიურტში ვიყიდე საწმენდი სითხე, ელიავაზე იაფი იქნება, მაგრამ ვერანაირად ვერ ვასწრებდი გასვლას, არადა მეჩქარებოდა. ამ ყველაფერს ჯამში უნდა ალბათ მაქსიმუმ 2 საათი, თავის სალონის განიავებიანად. მაშ ასე:

გვჭირდება:

1. ფიგურული სახრახნისი
2. ბრტყელტუჩა
3. ნაჭერი
4. რამე სველი ხელსახოციც ასწორებს
5. მვერსასრუტი
6. თბილი წიყალი და სარეცხის ფხვნილი + ვთქვათ ძველი კბილის ჩოთქი ან რამე, რითიც ფილტრს კარგად გავწმენდთ
7. კონდენციონერის სისტემის საწმენდი სპრეი

პროცესი:
ფილტრის ამოღება და გაწმენდა/გამოცვლა

1. ვაღებთ "ბარდაჩოკს" და ვპოულობთ 7 შურუპს, 3 ზევითაა, ორი ქვევით, 2 ბარდაჩოკის შიგნით და ვხსნით შვიდივეს



2. ზედმეტი ჭიდაობის გარეშე, ვექაჩებით ჩვენსკენ ბარდაჩოკს და ვხსნით მთლიანად
3. ვხედავთ ვენტილატორს და მის თავზე ფილტრის ხუფს
4. ვაჭერთ ხუფს ქვედა მხარეს წკაპებზე და ვხსნით



5. გამოგვაქვს ფილტრი



სამწუხაროდ ფილტრი რა მდგომარეობაში იყო არ გადამიღია. სიტყვაზე მენდეთ კატასტროფულში ჯერ ერთ მტვრიანი, მერეო მთელ სიგრძეზე ჩამჯდარი გრძელი ბუნდღლებით და გარდა ამისა პატარა ფოთლის ნაგლეჯებიც კი ეყარა ზედ.

ჩემი ფილტრი იყო ნახშირის და არა ქაღალდის. სხვაობა იმაშია, რომ ნახშირის ფილტრი, გარდა მტვრის შეკავებისა, წესით გარედან შემოსულ ცუდ სუნსაც აკავებს. ვინაიდან არც დრო და არც ფინანსები არ მქონდა, გადავწყვიტე ნახშირის ფილტრი გამერეცხა (ქაღალდისაზე არ გამოვა გარეცხვა) რითიც მისი ნახშირის თვისებები სავარაუდოდ დავასამარე, მაგრამ მტვირს შეკავების თვისებები დარჩა. თბილისში არ ვიცი რა ღირს და ამაზონზე ნახშირის ახალი ფილტრი 35$-ად აქვთ თუ უბრალოდ გამოცვლა გინდათ, აგდებთ ძველ ფილტრს და დებთ ახალს და ეგაა, თუ არა, მიყვებით ინსტრუქციას.

გაწმენდა ცოტა რთულია, ვინაიდან მტვერი ისეა ჩამჯდარი, თავიდან გგონია რო არ გაიწმინდება. ჯერ კარდად დაბერტყეთ ფილტრი რომ გამოიყაროს ზედა ფენა მტვრის. შემდეგ გადაუარეთ მტვერსასრუტით რომ ამოიღოს ჩამჯდარი მტვერი. შემდეგ გაავსეთ რამე ჭურჭელი თბილი წყლით, გახსენით შიგნით სარეცხის ფხვნილი, ააქაფეთ და კარგად აბანავეთ თქვენი ფილტრი (მე ნახევარი საათი დავტოვე კიდეც შიგნით). მერე შეგიძლიათ წნევით მიუშვათ წყალი (მე აბაზანაში შლანგს მოვხსენი თავი, მივაჭირე თითი და წყალი მაღალი წნევით მივუშვი სიგრძე სიგანეზე) მთლად არ გათეთრდება, მაგრამ სუფთა იქნება და მტვრის ნასახი აღარ ექნება. შეგიძლიათ ხუფიც გარეცხოთ, ვინაიდან ზედ გუბკაა და ისიც მტვრიანდება.

გარეცხვის შემდეგ ფილტრი კარგად დაბერტყეთ და დადეთ სითბოში ან მზეზე რომ გაშრეს.

ესეც ჩემი ფილტრი გარეცხვის მერე:



ფილტრის ჩადებამდე შეგიძლიათ სველი ხელსახოცი მოატაროთ შიგნით იმ სივრცეს, სადაც ფილტრი დევს, რომ იქ მიკრული მტვერიც გამოიწმინდოს და სათანადოდ გასუფთავდეს ყველაფერი. ჩემი მაგალითად ასე გამოიყურებოდა გაწმენდამდე:



ამით ფილტრის გაწმენდა/გამოცვლა დასრულებულია, გადავედით სისტემის გაწმენდაზე.

კონდენცირების სისტემის გაწმენდა

როგორც ინტერნეტში წავიკითხე, სუნი, ძირითდად გამოწვეულია სისტემაში დაგროვილი მიკრობებით. ეს მიკრობები ძირითადად თავს იყრის კონდენციონერის ე.წ. ამაორთქლებელ ელემენტზე და ზედვე რჩება, დროთა განმავლობაში კი ყროლდება და შედეგათ გაქვთ ცუდი სუნი სალონში. გაწმენდის გზა რამდენიმეა:

1. იყიდება რაღაც სპრეი SONAX POWER AIR CLEANER 9$-მდე ღირს, შეიძლება თბილისშიც იყიდება. გამოყენება ადვილია: რთავ კლიმატს რეცირკულაციაზე, მაქსიმალურ სიმძლავრეზე, მინიმალურ ტემპერატურაზე. დებ მანქანაში ამ ჯადოსნურ ბალონს, აჭერ გაფრქვევის ღილაკს და აფიქსირებ გაფრქვევის პოზიციაში. კეტავ მანქანას და ტოვებ 20 წუთი. ეს სითხე იფრქვევა სალონში და კონდენციონერი ატრიალებს და წმენდს სისტემას. ამის შემდეგ ანიავებ მანქანას და სადღაც 1 დღის მერე სრულად ქრება ცუდი სუნი მანქანიდანო. ეს გზა ყველაზე ადვილია, მაგრამ არ ვიცი რამდენად ეფექტური. დეტალურად ნახეთ აქ.

2. ვიურტში ან სხვაგან ნაყიდი სითხის ჩაშვება ჰაერის ამოსასვლელებიდან. ყველაზე ადვილია, მაგრამ არ ვარ დარწმუნებული, რომ ეფექტურია, საჰაერო გზები გაიწმინდება, მაგრამ ბოლომდე ჩავა თუ არა, არ ვიცი. უკეთებთ ბალონს შლანგს რომელიც მოყვება, დებთ რიგ-რიგობით ამ შლანგს ჰაერის ამოსასვლელებში და მწირე ინტერვალებით ასხამთ სპრეის შიგნით. თან შლანგი ამოძრავეთ ზევით-ქვევით და აქეთ-იქეთ.

3. სადრენაჟო მილში სითხის შეშვება. ერთ ერთი ყველაზე გავრცელებული ვარიანტი, ოღონდ გჭირდებათ "იამა". მანქანის ქვევითა მხრიდან, გამოდის სადრენაჟო შლანგი, საიდანაც ჩამოდის კონდენსატი. შეუშვებთ ამ შლანგში მილს და პერიოდული დაჭერებით შეაშხაპუნებთ საწმენდ სითხეს. შლანგი ღრმად უნდა შეუშვათ, რომ კონდენციონერის ამაორთქლებელ ელემენტამდე მივიდეს და მილში არ გააფრქვიოთ მთელი სითხე

4. კონდენციონერის ბლოკის დაშლა და ელემენტის პირდაპირი გაწმენდა: ეს ყველაზე რთული, მაგრამ ყველაზე კარგი ვარიანტია ალბათ, მაგრამ მე მაგდენის თავი არ მქონდა და დავიკიდე (ვისაც ნერვები გაქვთ აგერ ინსტრუქცია)

5. სადრენაჟო შლანგის ჩახსნა და იქედან შეშვება. (ეს თან ეფექტური და თან მარტივი გზაა. პირველწყარო აქ)

საბოლოო ჯამში, ხსნარი ამაორთქლებელ ელემენზე მოხვედრის მერე, ჩამორეცხავს მთელ იმ სიბინძურეს და სადრენაჟო შლანგით გარეთ გამოვა ყველაფერი.

ეს ვიურტის ხსნარი:


მოკლედ მე ბოლო ვარიანტი ავირჩიე. მოხერხებულობა იმაშია რომ, ადვილია და შლანგის მოხსნის მერე, პლასტმასის მილიდან, რაზეც შლანგი ზის, პირდაპირ კონდენციონერის ელემენტთან შევა საწმენდის შლანგი. ეხლა ინსტრუქცია:

1. მგზავირს ფეხებთან, ცენტრალური კონსოლის მარჯვენა მხარეს, მოკიდეთ ხელი ქეჩას და გადმოწიეთ (მიმაგრებული არაა და არ მოიგლიჯება), გამოჩნდება რეზინის შლანგი, რომელიც მილზეა წამოცმული. ეს შლანგია სწორედ ის ჯადოსნური სადრენაჟო შლანგი. ეგ ადგილი სურათზე მოვნიშნე.



2. ბრტყელტუჩათი მოხსენით ფიქსატორი და მოაძრეთ შლანგი (შეიძლება ცოტა სახრახნისის თავის წახმარება დაჭირდეს შლანგს, ჩემთან ძალიან იყო ჩამჯდარი პლასტმასზე და ხელით ვერ დავძარი)



3. თუ კონდენციონერს ამუშავებდით, შეიძლება კონდენსატი იყოს დარჩენილი, ამიტომ რამე ნაჭერი გქონდეთ იქვე, რომ მიაფაროთ ან მოწმინდოთ და სალონში არ ჩაგექცეთ
4. შეუშვით ბალონის შლანგი პლასტმასის მილში, ოღონდ ძაან ღრმად არ უნდა, კონდენციონერის ელემენტი იქვეა და ეგრევე შეეშხურება სითხე
5. პერიოდულად შეუშვით სითხე, რამდენჯერმე და ამავდროულად, პლასტმასზე ნაჭერი გქონდეთ შემოხვეული, თორე სითხე უკან ჩამოიღვრება მთლიანად
6. სწრაფად წამოაცვით რეზინის მილი, რომ უკან ჩამოქცეული სითხე სალონში არ ჩაგექცეთ
7. პროფილაქტიკის მიზნით, ჰაერის ამოსასვლელებშიც ჩაუშვით შლანგი და რიგ-რიგობით ყველგან გააფრქვიეთ ცოტ-ცოტა სითხე. ეს მამენტ შეგიძლიათ დაიკიდოთ, მაგრამ მე ეგეც გავაკეთე.

ამ ყველაფრის მერე, ჩართეთ კონდენციონერი მაქსიმალურ სიჩქარეზე, დაბერვა ფეხებზე (ზევით თუ გადართავთ, სითხე ჰაერის სამოძრაო გზებშია ჯერ კიდე და შეილება წვეთვა დაიწყოს და გარეთ გამოვიდეს). ოღონდ ავტო რეჟიმი არ ჩართოთ, იმენა კონდენციონერი ჩართეთ და რეცირკულაციაზე რო გარედან ზედმეტი მტვერი არ შემოზიდოს. მე ვანაცვლებდი ცივ და ცხელ რეჟიმებს, მაქსიმალური ცივი და მაქსიმალური ცხელი. დაახლოებით 20-30 წუთის შემდეგ, ძირითადი ნაწილი სითხის ამოშრება და ზევით დაბერვაზეც შეგიძლიათ გადართოთ.

სასურველია, თუ მანქანაში არ იქნებით ამ დროს, ან თუ იქნებით, აუცილებლად ყველა შუშა ჩაწიეთ. მე თან ვმოძრაობდი და მიუხედავად იმისა, რომ 4-ვე ფანჯარა ჩავწიე, ცოტაც და ჰალუცინაციები დამეწყებოდა ძაან ქიმიის სუნი აქვს იმ სითხეს და მთელ სალონში ეგეთი სუნია მერე.

ამის მერე ჩადგით ფილტრი თავის ადგილზე, დაამაგრეთ სადრენაჟო შლანგს ფიქსატორი, დააბრუნეთ ბარდაჩოკი თავის კანონიერ ადგილზე და ეგაა.

საწმენდი სითხის სუნი რო სრულად გავიდეს მანქანიდან, დაახლოებით ნახევარი დღეა საჭირო, გააჩნია მოძრაობთ თუ გიყენიათ მანქანა, ნებისმიერ შემთხვევაში კლიმატი ამუაშავეთ რომ ამოქროლდეს სისტემიდან. სამაგიეროდ მანქანის კარგად განაივების შემდეგ, ისიამოვნეთ სუფთა ჰაერითა და შემომავალი ჰაერის ძლიერი ნაკადით

დავშალე მაგრამ ჩემი ძველი მოდელია და სხვანაირი სისტემაა მგონი და სურათებს ვერ ვდებ რო განახოთ.
პ.ს..შენ როგორ დადე სურათები?

[nika123]

ვერ მეტყვი სურათები როგორ გაჩვენო?და ჩემი სხვანაირია სპირალებივითააქ რკინის ფირფიტები

[nika123]

კაი ხელოსანი ხო არიცით სუბარუს კონდიცირება რო გაეგებოდეს კარგად

[xucishvili]

კარგი და აუცილებელი ინფოა.
რა ღირს ეგ საწმენდი სითხე და ბოქსებში თუ არის ნეტა x20-ის კონდიციონერის ფილტრი

28 ლარი ღირს თეგეტაში თუ ნაცნობი გყავს 20 ლარში გამოვა

[nika123]

Xelosani aricit?

[Splash]

გაიხარე, ვცდი ჩემ მანქანაზეც ! არ ვიცოდი მაგის საწმენდი სპრეი თუ იყიდებოდა საერთოდ

[nika123]

???
დავშალე მაგრამ ჩემი ძველი მოდელია და სხვანაირი სისტემაა მგონი და სურათებს ვერ ვდებ რო განახოთ.
პ.ს..შენ როგორ დადე სურათები?

რა უნდა გკითხოთ.ფრეონიც ჩავასხი კომპრესორიც შევცვალე მაფრამ ცივს კარგად მაინც ვერ უბერავს და ხელოსანმა "ტრვ"-ს ბრალი იქნებაო და რა რაგაც არამჯერავს.და ამ ტაგაცით რო გავწმინდო უშველის ნეტა??

[Petro]

გავწმინდე ამის მიხედვით გამომივიდა..ფილტრში ობობების ბუდე ვნახე, ობის სოკოები და ათასი საოცრება

[Petro]

სალონის ფილტრის გაწმენდა ყვრლა მანქანაზე ესეა? მაგალითად სივიკზე? ფორიკაზე გამომივიდა

[Nemec]

კარგი ინფოა! ბლ5-ს ჰაერუს ფილტრი რო ამოიღო მთელი მანქანა უნდა დაშალო იმენა

[WESHAPO]

Nemec

კარგი ინფოა! ბლ5-ს ჰაერუს ფილტრი რო ამოიღო მთელი მანქანა უნდა დაშალო იმენა

არც მთლად მასეა საქმე

[PAINKILLER]

კარგი ინფოა! ბლ5-ს ჰაერუს ფილტრი რო ამოიღო მთელი მანქანა უნდა დაშალო იმენა

რას ამბობ, ზუსტად 1 წუთი მინდა რომ ფილტრი ამოვიღო და გამოვცვალო, არაფრის დაშლა არ უნდა, ბარდაჩოკი უნდა ჩამოხსნა ბოლომდე და ზედა უჯრაც გამოიღო (ცოტა ძალის დატანება უნდა მაგრამ გამოდის უპრობლემოდ)

[david_888]

კარგი ინფოა! ბლ5-ს ჰაერუს ფილტრი რო ამოიღო მთელი მანქანა უნდა დაშალო იმენა

დაშალო კი არა და საერთოდ ინსტრუმენტიც კი არ გჭირდება, ტორპედოს გვერდითა პანელს ააძრობ, ბარდაჩოკის ტროსს ჩახსნი, მერე ბარდაჩოკს ჩამოწევ ბლომდე უჯრას ამოიღებ და დაინახავ ფილტრს, მაგასაც არც ბოლტები არ და არაფერი პირდაპირ ამოიღებ და მორჩა, წამების ამბავია

[Nikush_p]

გაუმარჯოს.. მაგარი პოსტია.

კითხვა ფილტრი ჩვეულებრივ წყალში გარეცხე? თუ როგორ ირეცხება საერთოდ?

[datoj13]

მაგარი გამოსადები პოსტია.
თემასთან ახლოს არის და ბარემ ვიკითხავ (ცალკე თემას ვერ ვხსნი): ზამთარშიც და ზაფხულში, როცა 100-200 კმ-იან მონაკვეთზე მიწევს მგზავრობა, ძრავიდან ცხელი ჰაერი სალონში შემოდის ფეხების დასაბერიდან. ვერაფერს ვუხერხებ: სხვა მანქანებისგან განსხვავებით სუბარუს (SG5) ჰაერის ამოსასვლელები არ იკეტება და იძულების წესით უბერავს სალონში. ზამთარში მისაღებია, მაგრამ ზაფხულში იმენნა კოშმარია, ფეხები მეხარშება. ტემპერატურის გადამრთველი მინუსამდე მაქვს გადართული, მაგრამ დიდი ვერაფერი საშველია.
ვინმემ გამოსავალი იცით?