პარტნიორები
მეგობრები
მთვლელები
Subaru B9 Tribeca: უფრო მძლავრი, კომფორტული და უსაფრთხო
უსაფრთხოების მოწინავე ტექნოლოგიის, ახალი ძრავის და გაუმჯობესებული სავალი ნაწილის წყალობით, ახალი Tribeca შესაძლოა სრულამძრავიან, 7 ადგილიან, მაღალი გამავლობის ავტომობილებში ლიდერი გახდეს.
Subaru B9 Tribeca-ს დიზაინი იმდენად წარმატებული აღმოჩნდა, რომ ახალ მოდელზე ის უცვლელად გადავიდა, შეიცვალა მხოლოდ რადიატორის ბადე. მათ ვისაც უნდა მასას გამოეყოს, სთავაზობენ სპეციალურ ვერსიას ექსკლუზიური რადიატორის ბადით და 18 დუიმიანი ქრომირებული, მსუბუქი შენადნბის დისკებით.
უდიდეს ცვლილებებს დაექვემდებარა მანქანის ტექნიკური ნაწილი. ახალი B9 Tribeca აღჭურვილია 3 ლიტრიანი H6 -ით, სიმძლავრით 245 ცხ.ძ. და ხუთსაფეხურიანი SPORTSHIFT ტიპის ავტომატური გადაცემათა კოლოფით, რაც საფირმო სიმეტრიულ სრულ ამძრავთან და დინამიური კონტროლის სისტემასთან (VDC) ერთად მძღოლს საშუალებას აძლევს თავდაჯერებულად იგრძნოს თავი არა მარტო გზატკეცილზე, არამედ უგზოობაშიც. დაკიდება კომფორტული მგზავრობისთვისაა მორგებული, თუმცა ეს Subaru-ს ავტომობილებისთვის დამახასიათებელი დაბალანსებული და ზუსტი მართვადობის ხარჯზე არ მომხდარა. სავალი ნაწილის ცვლილება აისახა წინა და უკანა ძარის დამჭიმებზე და მდგრადობის უკანა სტაბილიზატორებზე.
სენსორულ-თხევადკრისტალური დისპლეიანი ნავიგაციის სისტემით აღჭურვილ ვერსიაზე უკანა ბამპერში ჩამონტაჟებულია კამერა. როგორც კი მძღოლი გადაცემათა კოლოფს გადართავს “Reverse” მდგომარეობაში, კამერა ირთვება, ეკრაზე კი ჩანს რა ხდება მანქანის უკან და ხაზებით მონიშნავს მანქანის იმ ტრაექტორიას, რომლითაც ის იმოძრავებს მოხვევის მოცემული კუთხის პირობებში, რაც მძღოლს პარკირებაში ძალიან ეხმარება. გამოდის ასევე ჩვეულებრივი პარკინგ კონტროლის სისტემით აღჭურვილი ვერსიაც. B9 Tribeca-სთვის ასევე შემოთავაზებულია დისტანციური დაქოქვის სისტემა, რომელიც მოქმედებს 800 მეტრამდე მანძილზე.
წინა მოდელთან შედარებით ძარის სიხისტე ბრუნვაზე გაზრდილია 22%-ით ხოლო მოხრაზე 55%-ით. ამის გარდა უსაფრთხოება გაუმჯობესებულია გადაბრუნების პროგნოზირების ახალი სისტემის ხარჯზე, რომელიც სენსორებიდან მოსალოდნელ გადაბრუნებაზე სიგნალის მიღებისთანავე ააქტიურებს გვერდით უსაფრთხოების ბალიშებს. უსაფრთხოების აქტიური საშუალებების ჩამონათვალშია 4-არხიანი ანტიბლოკირების სისტემა ABS, დინამიური კონტროლის სისტემა (VDC) და უახლესი სისტემა Brake Assist , რომელიც აანალიზებს მუხრუჭის სატერფულზე დარტყმის ძალასა და სიჩქარეს. იმ შემთხვევაში თუ მძღოლმა ექსტრემალურად დაამუხრუჭა, Brake Assist ზრდის წნევას სამუხრუჭე სისტემაში და ამით ამცირებს სამუხრუჭე მანძილს.